Монголын Үндэсний бөхийн холбооны “Алтан цом” -ын тавдугаар тойргийн барилдаан энэ сарын 17, 18-ны өдрүүдэд Монгол бөхийн өргөөнд зохион байгуулагдана. МҮБХ-ны “Алтан цом” багийн барилдаанд баг тус бүр найман гишүүнтэй оролцож байгаа бөгөөд барилдаанд 5 бөх гарч барилдаж байгаа.
Алтан цомын барилдаанд Хамаг Монгол, Од групп,АПУ скайтел,Эв монгол, Хубилай, Хатант интернэшнл, MCS- Энержи, Хүлэгү багууд өрсөлдөж байна. Дөрөвдүгээр тойргийн барилдааны байдлаар АПУ Скайтел баг 64 оноогоор түрүүлж байна. Харин Од группын баг 58 оноогоор хоёрдугаар байрт, Хатан интернэшнл баг гуравдугаар байрт бичигдэж байна.
