Зам тээврийн ноцтой осолд орсон Их Британийн боксчин Энтони Жошуа шинэ жилийн өмнөх өдөр Нигерийн Лагос хотын эмнэлгээс гарсан тухай хотын эрх баригчдын ярьснаас эш татан Daily Mail сонин мэдээлжээ.
Даваа гаргийн өглөө Жошуа, түүний жолооч болон хоёр зорчигчийн сууж явсан Lexus загварын жийп машин замын хажууд зогсож байсан ачааны тэргийг мөргөсний улмаас Жошуагийн дотны андууд болох Сина Гами, Латиф Айоделе нар газар дээрээ нас баржээ.
“Энтони Жошуа лхагва гаргийн орой эмнэлгээс гарсан, гэр орондоо тэнхрэх боломжтой, дотны найзуудаа алдсан тэрбээр сэтгэл санааны хувьд хүнд байна” гэж Лагос болон Огун муж улсуудын захирагч нарын хэвлэлд өгсөн мэдээлэлд дурдсан байна. Тамирчны ойрын хүрээний эх сурвалжийн ярьснаар, Жошуа Нигерид хэд хоносныхоо дараа гэртээ харьж тэнхрэх ажээ.
Э.Жошуа мэргэжлийн боксын рингэнд 29 удаа ялж, 4 удаа ялагдаад байгаа юм. Тэрбээр Олон улсын боксын холбоо /IBF/, Дэлхийн боксын холбоо /WBA/, Дэлхийн боксын байгууллага /WBO/, Олон улсын боксын байгууллагын /IBO/ аваргын бүсийг эзэмшиж байв. Жошуа хамгийн сүүлд 12 дугаар сарын 19-нд блогчин Жейк Полыг нокаутаар ялжээ.
Эх сурвалж: РИА Новости
