«Вашингтон Кэпиталс» клубын довтлогч, орос хоккейчин Александр Овечкин 2025 онд мэргэжлийн хоккейн лигийнхамгийн алдартай тоглогчоор тодорсныг Hockey Reference мэдээллээ.

Тус портал мэргэжлийн хоккейн лигийн албан ёсны сайтад хөгжөөн дэмжигчдийн эрэл хайлт хэр байсан үзүүлэлтийг ашиглан үнэлгээ гаргасан бөгөөд 40 настай Овечкин АНУ-ын бараг бүх муж, мөн Канадын хэд хэдэн мужид хамгийн их сонирхогдсон тоглогчоор шалгарчээ.

Өнгөрсөн онд хоккейн лигийн бүх цаг үеийн мэргэн буучдын жагсаалтыг тэргүүлдэг Канадын домогт тоглогч Уэйн Грецки АНУ-д алдар нэрээр хоёрдугаарт бичигдсэн байна. Канадын мужуудад Овечкин, Сидни Кросби нарын дараа «Эдмонтон Ойлерс»-ийн Коннор Макдэвид, «Виннипег Джетс»-ийн хаалгач Коннор Хеллибак нар тэргүүлжээ.

Hockey Reference-ийн мэдээллээр 2025 оны хамгийн алдартай тоглогчдын жагсаалтын гуравдугаарт «Питтсбург Пингвинс»-ийн од Сидни Кросби орсон байна. Одоогоор Овечкин энэ улиралд 30 тоглолтод 29 (14+15) оноо авч, «Вашингтон» клуб 39 оноотойгоор Зүүн конференцийг тэргүүлж байна.

Эх сурвалж: Sport-express