Европын хөл бөмбөгийн холбооны /УЕФА/ эмэгтэйчүүдийн аварга шалгаруулах “ЕВРО-2029” тэмцээн Германд болно гэж УЕФА лхагва гарагт мэдэгдлээ.
Энэхүү тэмцээнийг зохион байгуулах хүсэлтийг Германаас гадна Польшийн хөл бөмбөгийн холбоо болон Дани, Швед улсууд хамтран гаргаад байв.
“Сонгон шалгаруулах явцын туршид цуцашгүй хөдөлмөр, тууштай байдлаа илэрхийлсэн гурван өрсөлдөгчдөд чин сэтгэлийн талархал илэрхийлье. Эдгээр хүсэлт бүр нь өнгөрсөн зун Швейцарын тогтоосон жишгээс санаа авсан үндэсний холбоод, засгийн газар, орон нутгийн мэргэжилтнүүдийн хоорондох алсын хараа, багийн онцгой ажиллагааг харууллаа” гэж УЕФА-гийн тэргүүн Александер Чеферин мэдэгджээ.
“Германчуудад баяр хүргэе - бид 2029 оны зун болох мартагдашгүй тэмцээнийг тэсэн ядан хүлээж байна!” гэж тэрбээр нэмж хэлсэн байна. Нийт 16 баг оролцох уг тэмцээн Герман даяар найман цэнгэлдэх хүрээлэнд болно.
Эх сурвалж: Xinhua
