Өнөөдөр АНЭУ-ын нийслэл Дубай хотод эхэлж буй боксын дэлхийн аварга шалгаруулах тэмцээнд Оросын тамирчид төрийнхөө далбаан дор, төрийн дууллаа эгшиглүүлж оролцоно.

Боксчид нийт 13 жинд хурд хүч, ур чадвараа сорих юм.

ДАШТ-ий шагналын сан 8 сая 320 мянган доллар бөгөөд жин тус бүрт түрүүлсэн боксчин 300 мянган ам.доллар, мөнгөн медальтнууд тус бүр 150 мянган ам.доллар, хүрэл медальтнууд тус бүр 75 мянган ам.долларын шагнал хүртэх бол 5 дугаар байрт шалгарсан тамирчин 10 мянган ам. доллар авах ажээ. Шагналын мөнгөний 50 хувийг боксчин өөрөө авах бол дасгалжуулагч ба тухайн улсын боксын холбоо тус бүр 25 хувийг нь авна.

ОХУ-ын иргэн Умар Кремлевийн удирдаж буй Олон улсын боксын холбооноос /IBA/ мэдээлснийг үзвэл, энэ удаагийн ДАШТ-д 100 гаруй улсын тамирчид оролцохоор мэдүүлгээ өгчээ.

Одоогийн байдлаар IBA-гээс гадна ОУОХ-ноос хүлээн зөвшөөрсөн World Boxing гэдэг холбоо үйл ажиллагаа явуулж байгаа бөгөөд түүнийг Казахстаны иргэн, мэргэжлийн боксын дэлхийн аварга асан Геннадий Головкин удирддаг. Олон боксчин тус  хоёр холбооны ивээл дор болдог ДАШТ-үүдийн аль алинд нь оролцдог байна.

IBA-гээс зохион байгуулж буй энэ удаагийн ДАШТ-ий үеэр буюу 12-ны өдөр Оросын боксчин Мурат Гассиев, Болгарын боксчин Кубрат Пулев нар WBA холбооны супер хүнд жингийн дэлхийн аварга цолны төлөө тулаан хийнэ.

Эх сурвалж: ТАСС