Японы мэргэжлийн сумо бөхийн макүүчи зиндаанд барилдаж буй маэгашира Тамаваши Б.Мөнх-Оргилын 2004 оны нэгдүгээр сараас эхлэн башё өнжилгүй барилдсан амжилтыг нь Гиннесийн номд албан ёсоор бүртгэжээ.

Тэрбээр 2004 оны нэгдүгээр сараас 2024 оны намрын тэмцээний гурав дахь өдөр 1631 дэх барилдаанаа хийснээр шинэ дээд амжилтыг тогтоосон. Түүний хувьд өнгөрсөн Кюүшүю башёд энэхүү дээд амжилтаа 1748 болгож нэмсэн байна. Ингэснээр Гиннесийн 2026 оны шинэ дугаарт “Most consective sumo bouts” буюу “Сумод хамгийн олон дараалан барилдсан” гэж түүнийг танилцуулжээ.

Өдгөө 41 настай түүний хувьд мэргэжлийн сумод 21 жил барилдахдаа макүүчид хоёр, жюүрёо, макүүшитад тус бүр нэг түрүүлснээс гадна тусгай шагналыг таван удаа хүртсэн байна. Тамаваши Б.Мөнх-Оргил хоёр дахь түрүүгээ 37 нас 10 сартайдаа xүртсэнээр Кёкүтэнxо Н.Цэвэгнямын 37 нас найман сартайдаа дээд зиндаад түрүүлсэн амжилтыг шинэчлэн тогтоосон билээ. Тэр Гиннесийн номонд амжилтаа бүртгүүлсэн Монголын xоёр даxь сумоч болов. Түүнээс өмнө 69 дэх их аварга мэргэжлийн сумод үзүүлсэн таван амжилтаа Гиннест бичүүлсэн юм.