“Реал Мадрид” багийн довтлогч Килиан Мбаппе, “Барселона”-гийн жигүүрийн довтлогч, Бразилын хөлбөмбөгчин Рафинья, “Пари Сен-Жермен” багийн довтлогч Усман Дембеле нар 2025 оны шилдэг тоглогчид олгох ФИФА-гийн шагналын төлөө өрсөлдөж байна.

Мөн The Best FIFA Football Awards шагналын төлөө өрсөлдөгчдийн жагсаалтад Ашраф Хакими (Марокко, ПСЖ), Харри Кейн (Англи, Бавариа), Нуну Мендеш (Португал, ПСЖ), Коул Палмер (Англи, Челси), Мохамед Салах (Египет, Ливерпүүл), Витинья (Португал, ПСЖ), Ламин Ямал (Испани, Барселона) нар багтжээ.

Энэ сарын 28 хүртэл үргэлжлэх санал асуулгаар ялагчийг тодруулах бөгөөд шигшээ багуудын ахлах дасгалжуулагчид, багийн ахлагч нар болон хэвлэл мэдээллийн хэрэгслүүд ба хөгжөөн дэмжигчдийн төлөөлөл саналаа өгөх юм.

Өнгөрсөн 2024 оны шилдэг тоглогчийн шагналыг “Реал” багт тоглож буй Бразилын довтлогч Винисиус Жуниор багийн анд Жуд Беллингем, “Манчестер Сити” багийн Родри нарыг ялснаар хүртсэн билээ. 

Эх сурвалж: РИА Новости