Монголын сагсан бөмбөгийн холбооноос анх удаагаа “Холбооны цом”-ын төлөөх тэмцээнийг зохион байгуулах гэж байна. Энэхүү тэмцээнд оюутны, дээд болон хөгжлийн лигийн эрэгтэй 32, эмэгтэй 16 баг өрсөлдөхөөр бүртгэгдсэн бөгөөд тоглолтууд хасагдах журмаар явагдана. Энэ нь нэг тоглолтоор ялагчийг тодруулах онцлогтой тэмцээн юм.
Тэмцээнд оролцох бүх багууд зөвхөн монгол дасгалжуулагч болон монгол тоглогчидтой оролцох бөгөөд энэ нь дотоодын сагсан бөмбөгийн чадавхийг нэмэгдүүлэх зорилготой. Аваргын цомын эзэн баг 100 сая төгрөг, мөнгөн медальт баг 50 сая, хүрэл медальт баг 25 сая төгрөгийн шагнал хүртэхээр болжээ.
“Холбооны цом”-ын тэмцээн энэ сарын 31-нд эхэлж, ирэх сарын 5-нд медальт багууд тодорно.
Эх сурвалж: Монголын сагсан бөмбөгийн холбоо
