Жүдо бөхийн үндэслэгч, Японы нэрт спортын зүтгэлтэн Жигоро Каногийн төрсөн өдөр өнөөдөр тохиож байна. Түүний гавьяаг хүндэтгэн Олон улсын жүдо бөхийн холбоо (IJF) жил бүрийн энэ өдрийг “Дэлхийн жүдогийн өдөр” болгон тэмдэглэж ирсэн бөгөөд энэ уламжлал 2011 оноос хойш 14 дэх жилдээ үргэлжилж байна.

Энэ жилийн Дэлхийн жүдо бөхийн өдөр “Жүдо — энх тайван, эв нэгдэл, найрамдал нөхөрлөл” уриан дор тэмдэглэгдэж байгаа бөгөөд IJF-ээс дэлхийн улс орнуудад жүдо бөхийг сурталчлах, боловсролын үнэ цэнийг таниулах олон талт арга хэмжээг зохион байгуулж байна.

Монгол Улсад жүдо бөхийн спортын үндэс 1960-аад онд тавигдсан бөгөөд ЗХУ болон Зүүн Европын орнуудад суралцаж байсан монгол оюутнууд энэ спортыг эх орондоо дэлгэрүүлжээ. 1971 онд Монголд анхны жүдо дэвжээ байгуулагдаж, 1972 онд жүдо бөхийн шигшээ багийг бүрдүүлэн Мюнхений олимпод оролцсон нь спортын түүхэнд шинэ хуудас нээсэн юм.

Монголын жүдочид олимпийн наадмаас 11, дэлхийн аварга шалгаруулах тэмцээнээс 33 медаль хүртэж, дэлхийн дэвжээнд Монголын нэрийг өндөрт өргөсөөр байна. Одоогоор манай улсад 10 мянга гаруй жүдоч хичээллэж, 100 орчим клуб, дэвжээ үйл ажиллагаа явуулж байгаа гэсэн албан бус тоо бий.

Эх сурвалж: Олон улсын жүдо бөхийн холбоо (IJF)