Японы мэргэжлийн сумо бөхийн холбооноос 100 жилийнхээ ойн хүрээнд Английн Лондон хотод тойргийн башёг зохион байгууллаа.
“Royal Albert Hall” ордонд таван өдрийн турш үргэлжилсэн тэмцээнд мэргэжлийн сүмогийн 74 дэх аварга Хоошёорюү С.Бямбасүрэн түрүүлсэн байна. Тэрбээр аваргын төлөө 75 дахь аварга Ооносатотой барилдаж давсан юм. Энэхүү барилдаанд Тобизарү үзэгчдийн нэрэмжит шагнал хүртжээ.
Тус тэмцээнд бөх, ояката, засуул, үсчин гэх мэт нийт 124 хүн оролцсоноос 40 нь дээд зиндааны сумоч байлаа. Тэгвэл манай улсаас 74 дэх аварга Хоошёорюү С.Бямбасүрэн, сэкивакэ Киришима Б.Лхагвасүрэн болон Тамаваши Б.Мөнх-Оргил, Оонокацү Б.Чойжилсүрэн, Оошёома П.Дэлгэрбаяр, Роога А.Амарсанаа зургаан сумоч зодоглов.
Английн Лондон хотод 1991 онд сүмо бөхийн үзүүлэх тоглолт болсноос хойш 34 жилийн дараа дахин болж, таван өдрийн турш “Royal Albert Hall” ордон үзэгчээр дүүрэн байж, сүмогоор амьсгаллаа. Сумочид ирэх зургаадугаар сард Францын Парис хотод үзүүлэх тоглолт хийнэ.
