Казахстаны Алматы хотод өсвөрийн шатарчдын дэлхийн аварга шалгаруулах тэмцээн үргэлжилж байна.

Өчигдөр тэмцээний нэг хэсэг болох шатрын бодлого бодолтын ДАШТ-ийг зохион байгуулсан бөгөөд манай улсаас “Босоо ноён” клубийн тамирчин кандитат мастер И.Цэлмүүн түрүүлж, төрийн дууллаа эгшиглүүллээ.

Тэрбээр 12 хүртэлх насны ангилалд боломжит 30 онооноос 29-ийг нь авч дэлхийн аварга болов.

Тэрбээр өнгөрсөн жилийн бодлого бодолтын дэлхийн шалгаруулах тэмцээнээс мөнгөн медаль хүртэж байсан бол энэ онд дутуугаа гүйцээж түрүүлжээ. Түүний хувьд 2025 онд ДАШТ-ээс өмнө дэлхийн цомд түрүүлээд байсан юм.