Монголын сагсан бөмбөгийн холбооноос зохион байгуулдаг эмэгтэйчүүдийн дээд лигийн аварга “Улаанбаатар Амазонс” баг Азийн лигт тоглохоор болсон. Тэд өнөөдөр эхний тоглолтоо хийнэ.
БНХАУ-д өнөөдрөөс эхлэн тав хоног үргэлжлэх энэхүү тэмцээнд Монгол, Япон, Солонгос Тайвань, Саудын Араб, Хятадын лигийн аваргууд хоёр хэсэгт хуваагдан өрсөлдөх юм. “А” хэсэгт Хятадын лигийн аварга “Донгуан Нью Сентури”, Тайванийн аварга “Катай Лайф”, Монголын аварга “Улаанбаатар Амазонс” баг багтжээ. Харин “В” хэсэгт Японы аварга “Фүжицү Рэд Вэйв”, Солонгосын “Бусан Сум”, Саудын Арабын “Аль Ула клуб” баг өрсөлдөнө.
Манай улсаас оролцож буй лигийн аварга “Улаанбаатар Амазонс” хэсгийн эхний тоглолтоо өнөөдөр 11:15 цагт Хятадын “Донгуан Нью Сентури” багтай хийх аж. Монголын эмэгтэйчүүд анх удаа олон улсын лигт өрсөлдөж байгаа нь энэ бөгөөд дээд лигт түрүүлсэн баг Азийн эмэгтэйчүүдийн лигт оролцох шинэ хаалгыг нээж байна.
