Энэтхэгийн Уттараханд мужийн Халдвани хотод өсвөрийн Азийн цомын болж, манай тамирчид хоёр хүрэл медаль хүртлээ.
Тодруулбал, хүнд сэлмийн хөвгүүдийн багийн төрөлд хүрэл медалийн тавцанд зогссон. Тэгвэл хүнд сэлмийн охидын ганцаарчилсан төрөлд Д.Мэрси хүрэл медалиар энгэрээ мялаажээ.
Тус тэмцээнд 17 орны 192 тамирчид туялзуур сэлмийн гурван төрөлд ганцаарчилсан болон багийн төрөлд өрсөлдсөн бол манай улсаас дасгалжуулагч Ц.Жигжидсүрэнгийн удирдлагад Д.Буянхишиг, Д.Мэрси, Ц.Ундрал, Б.Амарзориг, Н.Чинхүслэн, Ц.Тэмүүлэн, Б.Чингүүн нар өрсөлдсөнөөс хоёр медаль хүртсэнээр багийн дүнгээр VIII байр эзэлж, эх орондоо ирж байна.
