Хөнгөн атлетикийн насанд хүрэгчдийн дэлхийн аварга шалгаруулах тэмцээний эрэгтэйчүүдийн марафон гүйлтийн тэмцээн өндөрлөлөө.
20 дахь удаагийн ДАШТ-ий эрэгтэйчүүдийн марафонд 47 орны 88 тамирчин гараанаас гарсны дотор манай улсаас гавьяат тамирчин Б.Сэр-Од, олон улсын хэмжээний мастер Ц.Бямбажав нар багтав. Улмаар гавьяат тамирчин Б.Сэр-Од 2:30:07 цагийн амжилтаар 65 дугаар байр эзэллээ. Түүний хувьд 20 удаа зохион байгуулж буй ДАШТ-д марафон гүйлтээр 44 насандаа 12 дахь удаагаа оролцсоноороо дээд амжилт тогтоожээ. Марафон гүйлтээр ДАШТ-д 12 удаа оролцсон тамирчин Б.Сэр-Одоос өөр байхгүй юм.
Тэгвэл ДАШТ-д тав дахь удаагаа өрсөлдсөн олон улсын хэмжээний мастер Ц.Бямбажавын хөлний бэртэл сэдэрснээр замаа дуусгаж чадалгүй тэмцээнийг өндөрүүлсэн байна.
Энэ төрөлд төрөлд Танзанийн тамирчин түрүүлсэн бол германчууд түүхэндээ анх удаа марафон гүйлтээр ДАШТ-ий медаль хүртсэн нь мөнгө байлаа. Харин италичууд 2003 оноос хойш 22 жилийн дараа марафон гүйлтээр хүрэл медаль хүртжээ. Эрэгтэйчүүдийн марафоны эхний 10 байрт Кени, Этиопийн тамирчин багтаагүй нь 2005 оноос хойших анхны тохиолдол боллоо.
