Болгарын Самоков хотноо болж буй бөхийн төрлүүдийн U20 дэлхийн аварга шалгаруулах тэмцээнд Монголын залуу бөх Э.Одзаяа амжилттай оролцож, хүрэл медаль хүртлээ.

Эмэгтэйчүүдийн 68 кг-ын жинд барилдсан тэрээр эхний шатанд БНСУ-ын Сонг Ёон Вүгийг 10:0, БНХАУ-ын Кью Вэнжингийг 11:0, Анголын Ж.Мавунгугийг 10:0-ээр цэвэр ялсан юм. Хагас шигшээд Японы Р.Хошиног 5:4-өөр илүүрхэж явсан ч харамсалтайгаар цэвэр ялагдсан.

Хүрэл медалийн төлөө Украины Р.Олександратай барилдаж 9:8-аар ялснаар дэлхийн медальт тамирчин болсон байна.

Уг жинд Бразилын Э.Родригес Батиста мөн хүрэл медаль хүртэж, Энэтхэгийн С.Сришти мөнгөн медаль, Японы Р.Хошино алтан медалийн эзэн болжээ.

Эх сурвалж: Монголын Үндэсний Олимпын Хороо