Мэрилендэд болсон BMW Championship тэмцээнд америк гольфчин Скотти Шеффлер түрүүлсэн ч үзэгчдийн анхаарлыг Британий тоглогч Томми Флитвуд илүү татав. Учир нь түүний тоглолтын үеэр нэгэн ялаа шийдвэрлэх мөчид “тусалсан” хэмээн үзжээ гэж talkSPORT мэдээлэв.
Флитвуд тэмцээний нэг өдөр долоон бөмбөгний хоцролтоор эхэлсэн ч төгсгөлийн цохилтын үеэр бөмбөг нь нүхнээс хэдхэн миллиметрийн зайд тогтсон байна. Хэдэн секундийн дараа бөмбөг өнхөрч нүхэнд орсон нь бичлэгээр интернэтэд тархжээ. Тэр үед бөмбөг дээр ялаа сууж, нөгөө тал руу нь гүйснээр бөмбөгийг хөдөлгөсөн мэт харагдсан байна.
Үүний дүнд Флитвудт берди тооцогдож, тоглолтын оноо нэгээр буурсан юм. Энэ нь түүнд онооны жагсаалтад урагшлах боломж олгож, эцэст нь тэр дөрөвдүгээр байрт шалгарч, шагналынхаа хэмжээг 910 мянган ам.доллар болгон өсгөжээ.
Флитвуд өнгөрсөн Парисын олимпийн мөнгөн медальтан гэдгээрээ спорт сонирхогчдод танигдсан нэгэн юм.
Эх сурвалж: talkSPORT, officelife.media
Сэтгэгдэл (1)