АНУ-ын Охайо мужийн Цинциннати хотод болсон Эмэгтэй теннисчдийн холбооны /WTA/ ивээлтэй тэмцээнд Польшийн теннисчин Ига Свёнтек түрүүллээ. Тэрбээр финалын тоглолтод Италийн Жасмин Паолиниг 7:5, 6:4 харьцаагаар ялсан байна.
Энэ амжилтаар Свёнтек WTA-гийн тэмцээнүүдэд 24 дэх удаагаа түрүүлж, дэлхийн чансааны хоёрдугаар байрт дэвшив. Тэрбээр долоодугаар сард Уимблдоны финалд Америкийн Аманда Анисимоваг 6:0, 6:0 харьцаагаар хожиж аваргалсан бол энэ улиралд оролцсон 10 тэмцээний 7-д нь түрүүлээд байгаа юм. Гэхдээ Ухань, Торонто, Дубайн тэмцээнүүдэд хараахан түрүүлээгүй хэвээр байна.
Харин 29 настай Паолини энэ удаагийн тэмцээний финалд шалгарснаар дэлхийн чансааны 8 дугаар байрт бичигдэж эхэллээ.
Цинциннатигийн хатуу хучилттай талбайд болдог энэхүү тэмцээн нь чансаагаараа Их дуулгын дараа, WTA-гийн улирлын сүүлийн тэмцээний өмнө ордог чухал тэмцээн юм. Өнгөрсөн онд Беларусийн Арина Соболенко Цинциннатид түрүүлж байсан билээ.
Эх сурвалж: ТАСС
