АНУ-ын Цинциннати хотод болсон теннисний “Мастерс” цувралын финалын тоглолтын үеэр дэлхийн чансааг тэргүүлж буй Италийн Янник Синнер эрүүл мэндийн шалтгаанаар тоглолтоо үргэлжлүүлэх боломжгүй болжээ. Түүний өрсөлдөгч, дэлхийн чансааны хоёрдугаарт бичигдсэн Испанийн Карлос Алькарас эхний сетэд 5:0-ээр илүүрхэж байсан бөгөөд Синнерийн тоглолтоо орхисноор аварга болж, 9.2 сая ам.долларын шагналын сантай тэмцээний түрүүг хүртлээ.
Энэ ялалт Алькарасаас энэ улиралд авсан зургаа дахь түрүү бөгөөд карьерийнх нь 22 дахь томоохон тэмцээний амжилт болж байна. Тэрбээр өмнө нь Их дуулгын таван удаагийн аварга, Парис-2024 Олимпын мөнгөн медальт болсон бол 2022-2023 онд нийт 36 долоо хоногийн турш дэлхийн чансааг тэргүүлж байв.
Харин өнгөрсөн жил Цинциннатигийн аварга болж байсан Синнер өдгөө 24 настай бөгөөд нийтдээ АТР-ийн 20 тэмцээнд түрүүлсэн туршлагатай. Энэ улиралд тэр Их дуулгын хоёр тэмцээнд түрүүлж, тоглолтын өндөр амжилтаа хадгалсаар байсан ч финалд ийнхүү эрүүл мэндийн асуудлаас болж замаа зогсоохоос өөр аргагүй болсон байна.
Эх сурвалж: РИА Новости
