Хятадын Чэндү хотноо наймдугаар сарын 7-17-нд болсон дэлхийн спортын наадамд 116 улс орон, бүс нутгаас 6679 тамирчин, албаны хүн оролцож, 34 төрлийн спортын 256 тэмцээн уралдаан өрнөв. Энэ удаад нийт 83 улс орон, бүс нутгийн тамирчид медаль хүртсэн нь тус наадмын түүхэнд дээд амжилт болж бүртгэгдлээ. Түүнчлэн 18 дэлхийн дээд амжилт шинэчлэгдэж, 55 улс алтан медаль хүртсэн байна.

Наадмын үеэр нийт 220 мянга гаруй тасалбар зарагдаж, гимнастик, муай-тай, ушугийн тэмцээнүүдийн тасалбар бүрэн борлогджээ. Тэмцээнийг амжилттай зохион байгуулахад 4600 хүний бүрэлдэхүүнтэй баг, 1133 техникийн ажилтан, 13 мянган ажилтан оролцсон бол олон улсын холбооны удирдлагууд зохион байгуулалтын түвшинг өндрөөр үнэлэв.

Медалийн хүснэгтийг 36 алт, 17 мөнгө, 11 хүрэл медальтайгаар Хятадын баг тэргүүлсэн бол Герман, Украин улс удаалжээ. Армени, Аруба, Намиби, Бермуд, Монтенегро зэрэг орны тамирчид анх удаа дэлхийн спортын наадмаас медаль хүртсэн нь онцлох үйл явдал боллоо.

Эх сурвалж: Xinhua