Казахстаны Астана хотноо зохион байгуулсан Дэлхийн цомын тэмцээнээс Монголын боксчид мөнгө, хүрэл медаль хүртлээ.
Эрэгтэйчүүдийн 60 кг-ын жинд олон улсын хэмжээний мастер Г.Лундаа мөнгөн медалиар энгэрээ мялаав. Түүний хувьд эхний тойрогтоо гоц мөргөсөн бол дараа нь АНУ-ын тамирчныг 5:0, Киргизстаныг 3:2-оор буулган авсан юм. Улмаар хүрэл медалийн төлөөх тулаанд Японы тамирчныг гуравдугаар үед хүнд цохилтоор буулган авсан бол финалд Бразилын боксчинд ялагджээ.
Эрэгтэйчүүдийн 70 кг-д олон улсын хэмжээний мастер О.Бямба-Эрдэнэ хүрэл медаль хүртсэн бөгөөд Солонгосын тамирчныг 5:0, Шведийг 3:2-оор ялсан ч Бразилд 0:5-аар ялагдсан байна.
Дэлхийн цомын ээлжит цувралд 30 гаруй орны боксчид оролцсон бөгөөд манай улсаас О.Батхүүгийн удирдлагад эрэгтэй, эмэгтэй тус бүр найман тамирчин өрсөлдсөн юм.
