Германы Дортмунд хотын “Боруссиа” баг АНУ-д зохион байгуулагдаж буй клубүүдийн дэлхийн аварга шалгаруулах тэмцээний шөвгийн наймд шалгарахаар боллоо. Тэд Жоржиа муж улсын Атланта хотод болсон тоглолтод Мексикийн “Монтеррей” багийг 2:1 харьцаатайгаар ялсан байна. Уг тоглолтын эхний хагаст “Боруссиа”-гийн довтлогч Серу Гирасси 14 болон 24 дэх минутад дараалан гоолдож, багтаа давуу тал бий болгосон. Харин хоёрдугаар хагасын 48 дахь минутад “Монтеррей”-н тоглогч Херман Бертераме тооны зөрүүг багасгасан ч нэмэлт гоол хийх боломж олдсонгүй.
Шөвгийн наймд шалгарсан багуудын дараагийн тоглолтууд баасан гарагт үргэлжилнэ. Үүнд:
-
“Боруссиа” – “Реал Мадрид”
-
“Флуминенсе” – “Аль-Хилал”
-
“Челси” – “Палмейрас”
-
“Бавариа” – “Пари Сен-Жермен”
Эх сурвалж: ТАСС
