Францын шилдэг довтлогч Килиан Мбаппе “Реал Мадрид” багийн бүрэлдэхүүнд АНУ-д болж буй клубүүдийн ДАШТ-д оролцож байгаа ч суулгалт өвчний улмаас хэсгийн сүүлийн тоглолтыг өнжихөөр боллоо. “РИА Новости”-ийн мэдээлснээр, Мбаппе эмнэлэгт хэвтэн эмчлүүлсний дараа багийн бэлтгэлд эргэн орсон ч Австрийн “Зальцбург” багтай хийх тоглолтын мэдүүлэгт нэр нь багтаагүй байна.
Тэрбээр энэ сарын 19-нд хурц хэлбэрийн суулгалт өвчнөөр өвдөж, 4-5 кг жин хассан бөгөөд Саудын Арабын “Аль-Хилал” (1:1), Мексикийн “Пачука” (3:1) багуудтай хийсэн тоглолтуудад оролцоогүй юм. Эмнэлгээс гарсны дараа “Реал Мадрид”-ын ахлах дасгалжуулагч Хаби Алонсо түүнийг хэсгийн сүүлчийн тоглолтод оролцоно хэмээн найдаж байгаагаа илэрхийлсэн ч баасан гарагт (Улаанбаатарын цагаар өглөөний 9:00) Филадельфид болох тоглолтын бүрэлдэхүүнд багтсангүй.
Харин Мбаппе энэ зун “Парис Сен-Жермен” багаас “Реал Мадрид”-д албан ёсоор нэгдсэн бөгөөд Испанийн Ла Лигт 31 гоол оруулж, 2024 оны Европын хөлбөмбөгийн “Алтан шаахай” шагналын эзэн болсон билээ.
Эх сурвалж: РИА Новости.
