Францын хөл бөмбөгийн нэр хүндтэй клуб болох “Олимпик Лион”-ыг санхүүгийн тайлагналын дүрэм журам зөрчсөн үндэслэлээр тус улсын хөл бөмбөгийн холбоо Лигийн хоёрдугаар дивиз рүү буулгахаар шийдвэрлэснийг L'Équipe сонин мэдээлжээ.

Энэ шийдвэр нь Францын хөл бөмбөгийн клубүүдийн санхүүгийн сахилга бат, тайлагналд хяналт тавьдаг Хяналт, удирдлагын үндэсний газар (DNCG)-аас гарсан бөгөөд анх 2023 оны арваннэгдүгээр сарын 15-нд батлагджээ. Харин энэ долоо хоногийн мягмар гарагт “Лион” клубын ерөнхийлөгч Жон Текстор, спорт хариуцсан захирал Микаэл Герлингер нарыг дуудаж, шийдвэрийг албан ёсоор танилцуулсан байна.

DNCG байгууллага 2023 оны наймдугаар сард хийсэн шалгалтаар “Лион” клуб тоглогчдоо бусад багт шилжүүлснээр 100 сая еврогийн орлого олсон гэж тайлагнасныг үндэслэл болгосон. Гэвч энэ орлого тогтвортой бус, бүтцийн санхүүгийн тогтвортой байдлыг хангахад хангалтгүй гэж үзжээ.

Клубын удирдлагууд уг шийдвэрийг хүлээн зөвшөөрөхгүй байгаагаа илэрхийлж, давж заалдахаар зэхэж буйгаа мэдэгдсэн байна.

“Лион” баг 2024 оны Францын дээд лигийн улирлыг 6 дугаар байранд өндөрлүүлж, Европын лигт оролцох эрх авсан бөгөөд түүхэндээ Францын аваргаар 7 удаа, Францын цомын аваргаар 5 удаа шалгарч байсан амжилттай, нэр хүнд бүхий клуб юм.

Ийнхүү амжилтаараа Европын тавцанд байр суурьтай баг санхүүгийн хариуцлагын улмаас дор хаяж нэг дивиз унаж болзошгүй нөхцөл байдалд ороод байна.

Эх сурвалж: L'Équipe.