Монгол Улсын Ерөнхийлөгчийн ивээл дор Бельгийн Хаант Улсын нийслэл Брюссель хотноо 2025 оны 6 дугаар сарын 28-ны өдөр зохион байгуулагдах “Дэлхийн Монголчуудын Наадам”-ын үндэсний бөхийн барилдааны бүртгэл ид үргэлжилж байна.
Зургаан сараас дээш хугацаанд хилийн чанадад оршин суугаа монгол бөхчүүдийг бүртгэлдээ идэвхтэй хамрагдахыг уриалж байна. Мөн энэхүү наадмын хүрээнд залуу бөх болон 9-12 насны хүүхдийн барилдаан тусгайлан зохион байгуулагдах юм.
Залуу бөхчүүдийн болон хүүхдийн барилдаанд үзүүр түрүү, их шөвөгт шалгарсан бөхчүүдийг баяр наадмын өргөмжлөл, медаль, бэлэг дурсгалын зүйлсээр шагнаж, урамшуулна. Бөхийн барилдаантай холбоотой асуудлаар +46764418899 дугаарын утсаар холбогдож, дэлгэрэнгүй мэдээлэл авах боломжтой.
“Дэлхийн Монголчуудын Наадам”-ын үндэсний бөхийн барилдаануудыг Монгол Улсаас Бүгд Найрамдах Чех Улсад суугаа Элчин сайдын яам, Монголын Үндэсний Бөхийн Холбоо болон Европ дахь Монгол үндэсний бөхийн холбоод, бөхчүүдтэй хамтран зохион байгуулж байгаа аж.
Эх сурвалж: Монголын Үндэсний бөхийн холбоо
Сэтгэгдэл (1)