Шведийн хөнгөн атлетикийн тамирчин Арман Дюплантис тулгууртай харайлтаар дэлхийн шинэ дээд амжилтыг тогтоолоо. Стокгольмд зохион байгуулагдсан "Очир эрдэнийн лигийн" тэмцээний үеэр тэрбээр 6.28 метрийн өндрийг амжилттай давсан байна.

Ийнхүү 25 настай Дюплантис өөрийн спортын карьертаа 12 дахь удаагаа дэлхийн дээд амжилтаа шинэчлэн тогтоож байгаа юм. Тэрбээр хоёр удаагийн олимпийн аварга, хоёр удаагийн дэлхийн аварга, гурван удаагийн Европын аварга цолыг хүртсэн нэр хүндтэй тамирчин билээ.

Энэ удаагийн амжилтаараа Дюплантис хоёрдугаар сарын сүүлээр Францад тогтоосон өөрийн өмнөх дээд амжилтыг эвджээ. Өнгөрсөн оны наймдугаар сард тэрбээр Польшийн Силезид болсон тэмцээн дээр 6.26 метр гэсэн дээд амжилтыг тогтоосон байсан. Мөн түүнээс өмнө Парисын олимп дээр 6.25 метр гэсэн дэлхийн амжилтыг тогтоож байсан юм.

Эх сурвалж: iz.ru