Унгарын Будапешт хотноо болж буй насанд хүрэгчдийн жүдо бөхийн дэлхийн аварга шалгаруулах тэмцээний дөрөв дэх өдрийн барилдаан өнөөдөр болно. Энэхүү тэмцээнд 93 орны 550 гаруй шилдэг жүдоч хүч сорьж буй бөгөөд Монгол Улс одоогоор нэг хүрэл медальтайгаар оролцогч орнуудын жагсаалтын 13 дугаарт бичигдэж байна.

Манай улсын цорын ганц медалийг 60 кг-ын жинд барилдсан олон улсын хэмжээний мастер К.Ёолк хүртсэн бөгөөд энэ нь Монголын жүдо бөхийн түүхэн дахь 32 дахь ДАШТ-ий медаль болж байна. Түүнчлэн 2013 оноос хойш манай жүдочид ДАШТ-ээс тогтмол медаль хүртэж ирсэн уламжлалыг К.Ёолк үргэлжлүүллээ.

Гурван өдрийн дараах байдлаар Японы баг медалийн хүснэгтийг тэргүүлж байна. Тэд гурван алт, нэг мөнгө, гурван хүрэл медаль хүртээд байгаа бол Францын баг хоёрдугаарт жагсах болсноор тэднийг Итали, Гүрж, Бразилын багууд удаалж байна. Эхний гурван өдөр зургаан жингийн барилдаан болсон бөгөөд нийт 14 улс ямар нэгэн медаль хүртээд байна.

Өнөөдрийн барилдаанд Монголын дараах тамирчид дэвжээнд гарна:

• Эмэгтэйчүүдийн 63 кг:

  • Б.Ганхайч – эхний тойрогт хийлж, дараагийн тойрогт Европын аварга Захова болон Солонгосын Шин Чэйвон нарын ялагчтай хүч үзнэ.

  • Л.Энхрийлэн – Хорватын Кристо Катарина болон Кубын Торо Карвахал нарын ялсантай барилдана.

• Эрэгтэйчүүдийн 81 кг:

  • О.Шинэбаяр – эхний тойрогт гоц мөргөсөн. Хоёрдугаар тойрогт АНЭУ-ын Нугзари Таталашвили болон Австрийн Бернд Фачин нарын ялсантай шөвгийн 16-д шалгарахын төлөө барилдана.

Мөн К.Ёолк тэргүүтэй хөнгөн жингийн жүдочид өнөөдөр эх орондоо иржээ. Тэдний амжилт Монголын жүдо бөхийн залгамж хойч үе хэр хүчирхэг байгааг нотолж буй бөгөөд тэмцээний цаашдын өдрүүдэд медалийн тоо нэмэгдэх хүлээлт өндөр байна.

Эх сурвалж: IJF.org, Монголын жүдо бөхийн холбоо