Хорватын хөлбөмбөгийн шигшээ багийн ахлагч, хагас хамгаалагч Лука Модрич 2025 оны Европын бүсийн ДАШТ-ий урьдчилсан шатны тоглолтод онцгой амжилт тогтоолоо. Тэрбээр 39 нас 9 сартайдаа Чехийн шигшээ багийн хаалганд гоол оруулж, тус шатны түүхэнд гоол оруулсан хамгийн ахмад тоглогч болж шинэ дээд амжилтыг тогтоов. Энэхүү гоол нь торгуулийн цохилтоор, тоглолтын 62 дахь минутад хийгдсэн юм.

Хорватын баг уг тоглолтод Чехийн багийг 5:1 харьцаатай бут ниргэжээ. Модричийн шинэ амжилт өмнөх дээд амжилтыг даруй хоёр долоо хоногийн дотор эвдсэн байна. Өмнөх амжилтыг Босни-Херцеговиний довтлогч Эдин Жеко энэ сарын 7-нд 39 нас 2 сар 12 хоногтойгоор Сан-Мариногийн багийн хаалганд гоол оруулснаар тогтоож байсан юм.

Лука Модрич 2012 оноос хойш “Реал Мадрид” клубт хүчин зүтгэж, 600 орчим тоглолтод оролцжээ. Тэрбээр энэ хугацаанд Аваргуудын лигт зургаан удаа, Испанийн Ла Лигт дөрвөн удаа, Испанийн цомын тэмцээнд хоёр удаа түрүүлж, нийт 28 цомыг багтаа авчирсан амжилттай. Мөн клубийн дэлхийн аварга шалгаруулах тэмцээний дараа “Реал Мадрид”-аас явна гэдгээ энэ зун мэдэгдээд байгаа юм.

Эх сурвалж: TASS