Монгол Улсад анх удаа зохион байгуулагдсан дэлхийн чансааны оноо олгох дөрвөн цувралын нэг болох “Улаанбаатар опен” тэмцээн өндөрлөлөө. Энэхүү нэр хүндтэй тэмцээнд 17 орны 350 гаруй хүчтэн зодоглож, Улаанбаатарын дэвжээнд хурд хүчээ сорин өрсөлдсөн нь манай оронд бөхийн спортын олон улсын тавцанд эзлэх байр суурийг илтгэн харуулж байна.

Манай баг тамирчид нийт 29 медаль хүртсэн амжилтаар тэмцээний онцлох оролцогчоор тодров. Сонгомол бөхийн төрөлд хоёр мөнгө, хоёр хүрэл медаль хүртсэн бол чөлөөт бөхийн эмэгтэй баг нийт 16 медальтайгаар манлайллаа. Тодруулбал, дөрвөн алт, зургаан мөнгө, зургаан хүрэл медаль хүртсэн бол эрэгтэйчүүдийн баг гурван алт, хоёр мөнгө, дөрвөн хүрэл медальтай тэмцээнээ өндөрлүүлсэн байна.

Алтан медалийн эзэд:

• Эмэгтэйчүүдээс:

  • 62 кг-д гавьяат тамирчин П.Орхон

  • 68 кг-д Э.Дэлгэрмаа

  • 65 кг-д олон улсын хэмжээний мастер Т.Энхжин

  • 55 кг-д Б.Хулан

• Эрэгтэйчүүдээс:

  • 125 кг-д М.Лхагвагэрэл

  • 61 кг-д Т.Түвшинтулга

  • 57 кг-д Б.Мөнх-Эрдэнэ

Энэхүү тэмцээн нь зөвхөн нэг удаагийн арга хэмжээ бус, цаашид гурван жилийн турш Монгол Улсад зохион байгуулагдах эрхийг Монголын чөлөөт бөхийн холбоо авснаар олон улсын чансааны оноо бүхий тэмцээнийг тогтмол зохион байгуулж, Монголын дэвжээг дэлхийд таниулах боломж бүрдэж байна.

Эх сурвалж: Монголын чөлөөт бөхийн холбоо