2025 оны шатрын улсын аварга шалгаруулах тэмцээний хагас шигшээ шатны тоглолт Тусгаар тогтнолын ордонд болж өндөрлөлөө. Эрэгтэйчүүдийн 63, эмэгтэйчүүдийн 55 дахь удаагийн энэхүү тэмцээнд нээлттэй ангилалд 95, эмэгтэй ангилалд 97 шатарчин оролцож, ирэх есдүгээр сард болох шигшээ шатанд өрсөлдөх шилдэг оролцогчид тодорлоо.
Нээлттэй ангилалд дараах 11 шатарчин шигшээд шалгарсан байна:
-
Их мастер С.Билгүүн
-
Их мастер Б.Гүндаваа
-
Олон улсын мастер Ү.Агьбилэг
-
Олон улсын мастер Х.Итгэлт
-
М.Амилал
-
С.Ган-Эрдэнэ
-
С.Чингүүн
-
ФИДЕ мастер Х.Өлзийхишиг
-
Ц.Лхагвасүрэн
-
Н.Содбилэгт
-
Э.Баасансүрэн
Харин эмэгтэй ангилалд:
-
Их мастер Б.Мөнгөнтуул
-
Олон улсын мастер Б.Баярмаа
-
ФИДЕ мастер Э.Энхрий
-
ФИДЕ мастер Э.Хүслэн
-
Кандитат мастер Б.Мөнгөнзул
-
Э.Эмүжин
-
Н.Содгэрэлт
-
Х.Баясгалан
-
Э.Зол-Учрал
-
М.Маргад
-
Ш.Оюунгэрэл нар шигшээ тэмцээнд оролцох эрхийн эзэд болов.
Дээрх 22 тамирчинд өнгөрсөн оны улсын аваргууд болох олон улсын мастер Г.Амартүвшин, их мастер Т.Мөнхзул нар урилгаар нэмэгдэж, нийт 24 шилдэг шатарчин шигшээд өрсөлдөхөөр болж байна.
Шигшээнд шалгарсан хамгийн залуу оролцогчоор 13 нас 8 сартай ФИДЕ-гийн дэд мастер Н.Содгэрэлт тодорсон бол түүний араас 14 настай М.Маргад, Э.Зол-Учрал, 15 настай Ш.Оюунгэрэл нар залуу шатарчдын эгнээнд бичигдэж байна. Харин хамгийн ахмад оролцогчоор их мастер Б.Мөнгөнтуул болон Б.Гүндаваа нар нэрлэгдлээ.
Эх сурвалж: Монголын шатрын холбоо
