Халдварт өвчин судлалын үндэсний төвөөс мэдээлснээр, 2025 оны тавдугаар сарын 28-ны байдлаар улаанбурхан өвчний нийт лабораториор батлагдсан тохиолдол 3683-д хүрчээ. Үүнээс:

• 531 хүн эмнэлэгт хэвтэн эмчлүүлж байгаа

• 692 хүн гэрээр эмчлүүлж байгаа

• 2458 хүн эдгэрсэн

• Хавьтал – 44,774 хүн бүртгэгдсэн

• Нас баралт – 2 тохиолдол байна.

Улаанбурхан нь маш өндөр халдварлах чадвартай вирусээр үүсдэг ч вакцинаар бүрэн сэргийлэх боломжтой халдварт өвчин юм. Одоогийн байдлаар өвчлөл Ерөнхий боловсролын сургууль орчимд голомтлон бүртгэгдэж байгааг мэргэжилтнүүд онцолж байна.

Иймд хамт сурдаг, нэг орчинд ажиллаж амьдардаг иргэд улаанбурханы эсрэг вакцинд хамрагдах, амны хаалт зүүх, гарын ариун цэврийг сахих, олон нийтийн газраар явахгүй байх зэрэг урьдчилан сэргийлэх арга хэмжээг авч хэрэгжүүлэхийг уриалж байна.

Эрүүл мэндийн байгууллагууд иргэдийг хариуцлагатай, идэвхтэй оролцоотой байж, халдвараас өөрийгөө болон бусдыг хамгаалах чухал цаг үе ирснийг дахин санууллаа.

Эх сурвалж: ХӨСҮТ