Насанд хүрэгчдийн жүдо бөхийн 2024-2025 оны дэлхийн аварга шалгаруулах тэмцээн зургаадугаар сарын 13-нд эхлэх гэж байна. Энэхүү тэмцээнд 85 орны 490 гаруй шилдэг жүдоч оролцохоор мэдүүлгээ өгөөд байгаа бөгөөд Монгол Улсаас үндэсний шигшээ багийн ахлах дасгалжуулагч У.Эрдэнэбаатар, дасгалжуулагч М.Бундмаа, Ч.Болдбаатар, Г.Болдбаатар, П.Нямлхагва, Б.Хишигбаяр нарын удирдлага дор эрэгтэй, эмэгтэй тус бүр зургаан жинд нийт 18 тамирчнаа илгээхээр бэлтгэл хангажээ.
ДАШТ-д чансаагаар эхний 100-д багтсан тамирчид оролцох эрхтэй байдаг бөгөөд манай баг эрэгтэйчүүдийн 90, эмэгтэйчүүдийн -78 кг-д оролцогчгүй байна. Ялангуяа -78 кг-ын жинд шилдэг 100-д багтсан О.Хүслэн бэртлийн улмаас энэ удаагийн ДАШТ-ийг өнжихөөр болсон байна.
Монголын багийн бүрэлдэхүүн:
Эрэгтэй жүдочид:
-
60 кг: Э.Ариунболд (ДАШТ-ий мөнгөн медальт), К.Ёолк
-
66 кг: Ё.Басхүү (ДАШТ-ий хошой хүрэл медальт), Б.Эрхэмбаяр
-
73 кг: Л.Анхзаяа (ДАШТ-ий хүрэл медальт), О.Уранбаяр
-
81 кг: О.Шинэбаяр
-
-100 кг: Б.Хүдэрчулуун
-
+100 кг: Б.Гончигсүрэн
Эмэгтэй жүдочид:
-
48 кг: Г.Наранцэцэг, Ж.Анударь (Өсвөрийн ДАШТ-ий мөнгөн медальт)
-
52 кг: Л.Сосорбарам
-
57 кг: Т.Ариунзаяа (Өсвөрийн ДАШТ-ий алтан медальт)
-
63 кг: Л.Энхрийлэн (ДАШТ-ий хүрэл медальт), Б.Ганхайч
-
70 кг: Д.Есүй, Б.Ням-Эрдэнэ
-
+78 кг: А.Адъяасүрэн
Холимог багийн бүрэлдэхүүнд:
-
90 кг-д: Ц.Ган-Эрдэнэ
-
+78 кг-д: Д.Номинзул нар багтаж байна.
Монголын жүдо бөхийн түүхэнд ДАШТ-ээс нийт 28 медаль хүртсэн бөгөөд үүний 6 нь алтан медаль юм. Анхны медалийг 1989 онд гавьяат тамирчин Д.Баттулга хүрэл медалиар эхлүүлж, анхны алтан медалийг 2009 онд Х.Цагаанбаатар авч байсан түүхтэй. Түүнчлэн Д.Сумъяа, М.Уранцэцэг, Г.Болдбаатар, Ц.Цогтбаатар, Б.Баасанхүү нар дэлхийн аварга цол хүртэж, төрийн дууллаа эгшиглүүлсэн билээ.
Эх сурвалж: Монголын жүдо бөхийн холбоо
