Монголын үндэсний бөхийн холбооноос 2024-2025 оны улирлаас эхлэн бөхчүүдэд чансааны оноо олгож буй шинэчлэл үр дүнгээ өгч эхэллээ. Намрын нээлтээс хойш өнөөдрийг хүртэл улс, аймгийн цолтой бөхчүүдийн дунд нийт 39 барилдаан зохион байгуулагдсан бөгөөд чансааны оноогоор тэргүүлэгчид тодорчээ.

Тэдгээрийн тэргүүнд улсын заан Б.Бат-Өлзий 11,350 оноогоор жагсаж байна. Тэрээр 23 барилдаанд зодоглож, 4 удаа түрүүлсэн амжилтаараа 10 мянган онооны босгыг давсан анхны бөх боллоо. Түүний араас улсын начин Э.Батмагнай 10,300 оноотойгоор хоёрдугаарт бичигдэж, уг босгыг давсан хоёр дахь бөхөөр тодорч байна. Тэрбээр 20 барилдаанд барилдаж, хоёр удаа түрүүлжээ.

Шинэчилсэн чансаагаар дараах бөхчүүд эхний 10 байрт багтаж байна:

1. Улсын заан Б.Бат-Өлзий – 11,350 оноо

2. Улсын начин Э.Батмагнай – 10,300 оноо

3. Аймгийн хурц арслан Н.Өсөхбаяр

4. Улсын начин Ч.Батчулуун

5. Хурц арслан Н.Амгаланбаатар

6. Хурц арслан Д.Алтанцоож

7. Улсын аварга О.Хангай

8. Улсын заан М.Лхагвагэрэл

9. Арслан Б.Орхонбаяр

10. Аймгийн арслан Ц.Бямба-Отгон

Таван сарын 12-ны байдлаар чансаагаар 10-т жагсаж байсан улсын заан Д.Хүдэрбулга топ 10-аас хасагдаж, түүний оронд хурц арслан Н.Амгаланбаатар багтсан байна.

11-20 дугаар байрт багтсан бөхчүүд:

1. Улсын харцага Н.Золбоо – 7,000

2. Улсын начин Д.Амарсайхан – 6,600

3. Аймгийн арслан Е.Көптилек – 6,600

4. Улсын заан Д.Хүдэрбулга – 6,350

5. Аймгийн арслан Ц.Төмөрцоож – 6,350

6. Улсын начин Б.Түмэндэмбэрэл – 5,950

7. Аймгийн арслан Х.Наранбаяр – 5,750

8. Аймгийн арслан Ч.Алтангэрэл – 5,600

9. Аймгийн арслан Э.Баасанжав – 5,500

10. Улсын заан С.Сүхбат – 5,450

Энэ шинэчлэл бөхчүүдийн идэвх, тогтвортой байдалд бодит үнэлгээ өгөх боломж бүрдүүлж, барилдаан бүр илүү өрсөлдөөнтэй, утга агуулгатай болж байгааг холбооны төлөөлөгчид онцолж байна.

Эх сурвалж: Монголын үндэсний бөхийн холбоо