Жил бүр уламжлал болгон зохион байгуулдаг “Улаанбаатар марафон-2025” уралдаанд энэ жил 23,000 гаруй оролцогч бүртгүүлсэн байна. Оролцогчдын дийлэнх нь буюу 14,000 хүн эрүүл мэндийн гүйлтийн төрөл болох 5 км-ийн зайг сонгожээ.

Харин 21 км-ийн хагас марафонд 2100 гаруй оролцогч бүртгүүлсэн нь өнгөрсөн оныхоос хоёр дахин өссөн үзүүлэлт болсон байна. 42 км-ийн бүтэн марафонд нийт 322 тамирчин, 10 км-ийн гүйлтэд 2727 хүн бүртгүүлжээ.

Гэр бүлийн төрөлд оролцогчдын тоо мөн эрс өссөн. Өнгөрсөн жил 1400 гаруй хүн бүртгүүлж байсан бол энэ жил 3500 гаруй оролцогч оролцохоор болсон нь хоёр дахин нэмэгдсэн үзүүлэлт юм. Мөн тусгай олимпын төрөлд буюу 500, 800 метрийн зайд 130 оролцогч бүртгүүлээд байна.

Марафонд оролцогчдод энгэрийн дугаар олголт нийслэлийн хэмжээнд хэд хэдэн байршилд үргэлжилж байгаа бөгөөд Спортын төв ордон, Хангарди ордон, Соёлын төв өргөө, мөн нийслэлийн есөн дүүргийн Биеийн тамир, спортын хороодоор дамжуулан олгож байна.

“Улаанбаатар марафон-2025” уралдаан энэ сарын 24-ний өдөр зохион байгуулагдана.