Арабын Нэгдсэн Эмират улсын Аль-Айн хотноо болсон шатрын Азийн аварга шалгаруулах тэмцээн өндөрлөж, Монголын шатарчин, ФИДЕ-ийн дэд мастер Б.Мөнгөнзул эмэгтэйчүүдийн ангилалд мөнгөн медаль хүртлээ. Тэрбээр есөн өрөгт долоон оноо цуглуулан, коэффицентийн зөрүүгээр хоёрдугаар байрт шалгарсан байна. Энэ амжилтаар тэрбээр ААШТ-ээс мөнгөн медаль хүртсэн анхны монгол эмэгтэй шатарчин боллоо.

Б.Мөнгөнзулын энэхүү амжилт нь түүнийг:

• Эмэгтэй олон улсын мастер (WIM) цолны болзол хангах,

• Дэлхийн цомд оролцох эрх авах,

• Эрэгтэй олон улсын мастерын нэг норм, эмэгтэй их мастерын нэг норм биелүүлэх,

• Олон улсын чансаагаа 42.8 оноогоор нэмэх зэрэг үр дүнтэйгээр үнэлэгдэж байна.

Мөн энэ удаагийн тэмцээнд ФИДЕ мастер С.Чингүүн олон улсын мастерын (IM) норм биелүүлсэн бол бусад эмэгтэй тамирчид дараах байр эзэлжээ:

• Их мастер Б.Мөнгөнтуул – 18

• Кандитат мастер Х.Баясгалан – 34

• Ү.Үүрийнтуяа – 36

• З.Нарансолонго – 50

• Э.Эмүжин – 54

• Их мастер Д.Номин-Эрдэнэ – 56

• ФИДЕ мастер Э.Энхрий – 64

• Их мастер Т.Мөнхзул – 69

• Кандитат мастер Б.Буянхишиг – 81

• Ч.Нандинжигүүр – 92

• З.Наранзаяа – 98

Эрэгтэйчүүдийн ангилалд:

• Олон улсын мастер Г.Амартүвшин – 28

• ФИДЕ мастер С.Чингүүн – 72

• Н.Содбилэгт – 88

• Олон улсын мастер С.Ган-Эрдэнэ – 104

Тэмцээний шагнал гардуулах ёслолд Монгол Улсын Ерөнхийлөгчийн Тамгын газрын дарга, Монголын шатрын холбооны ерөнхийлөгч Г.Занданшатар оролцсон байна.

Тус тэмцээнд ОХУ, Энэтхэг, Хятад, Узбекистан, Казахстан зэрэг 34 орны 254 шилдэг шатарчин оролцсоноос 221 нь олон улсын цол, зэрэгтэй байсан нь энэхүү амжилтыг онцгой болгох нэгэн шалтгаан юм.

Эх сурвалж: Монголын шатрын холбоо