Жил бүр уламжлал болгон зохион байгуулдаг “Улаанбаатар марафон” энэ оны тавдугаар сарын 24-ний өдөр нийслэлийн төвийн замуудыг хамран зохион байгуулагдах бөгөөд нийт оролцогчид 500 метрээс 42 км хүртэлх долоон ангилалд гүйх юм. Энэ жилийн онцлог нь 5, 21, 42 км-ийн гүйлт шинэ маршрутаар явагдах бөгөөд гүйгчид "Дүнжингарав" худалдааны төвийн урдуурх дугуйн замаар гүйж шинэ гүүрийг даван барианд орох бүтэцтэй болжээ.

Гүйлтийн ангилал, маршрут дараах байдлаар тодорхойлогдож байна:

• 500 м: Худалдаа хөгжлийн банк – Энхтайваны өргөн чөлөө – Централ тауэр – Соёлын төв өргөө

• 800 м: Спортын төв ордон – МУБИС – Энхтайваны өргөн чөлөө – Соёлын төв өргөө

• 1.5 км: МУИС – ШУТИС – МУБИС – Централ тауэр – Соёлын төв өргөө
  (Энэ ангилалд гэр бүлийн гишүүдтэйгээ гүйх болон тэргэнцэртэй, харааны бэрхшээлтэй иргэд оролцоно)

• 5 км: Соёлын төв өргөө – МУБИС – СЭЗИС – Бөхийн өргөөний уулзвар – Сансрын И-Март – Зоос гоёл – Цэцэг төв – Төв шуудан – Соёлын төв өргөө

• 10 км: Соёлын төв өргөө – Зүүн дөрвөн зам – Нарантуул – Туннел – Дүнжингарав – Үндэсний цэцэрлэгт хүрээлэн – ХУД И-Март – Шинэ гүүр – Шангрила – Соёлын төв өргөө

• 21 км: 10 км-ийн маршрутын үргэлжлэл болох Корпорейт төв хүртэл гүйж, шинэ гүүрээр дамжин Соёлын төв өргөөнд буцаж ирнэ

• 42 км: 21 км-ийн маршрутыг хоёр удаа давтан гүйцэтгэнэ

Бүртгэл тавдугаар сарын 20-ныг хүртэл үргэлжилнэ. Бүртгүүлсэн оролцогчдод энэ сарын 10-наас эхлэн энгэрийн дугаар олгоно.

Энэхүү марафон нь нийслэлийн иргэдийн биеийн тамир, хөдөлгөөний идэвхийг нэмэгдүүлэх, нийтийн эрүүл мэндийг дэмжих зорилготойгоор жил бүр өргөн хүрээнд зохион байгуулагддаг юм.

Эх сурвалж: Нийслэлийн Спортын хороо