Бүсчилсэн хөгжлийн бодлогын хүрээнд зохион байгуулж буй Иргэдийн спортын их наадмын хойд бүсийн тэмцээн тавдугаар сарын 1–4-ний өдрүүдэд Булган аймагт амжилттай зохион байгуулагдаж, өнөөдөр өндөрлөлөө.

Тэмцээнд 400 гаруй иргэн оролцсон бөгөөд дараах 7 төрлөөр, 3 насны ангилалд уралдсан байна:

• Үндэсний бөх

• Үндэсний сурын харваа

• Шагайн харваа

• Волейбол

• Сагсан бөмбөг

• Шатар

• Ширээний теннис

Наадмын онцлог нь тухайн төрөлдөө цол зэрэггүй, аймаг орон нутагтаа ажиллаж, амьдарч буй иргэдийн дунд зохион байгуулдаг явдал юм. Тэмцээний багийн нийлбэр дүнгээр:

• 1-р байр – Орхон аймаг (40 оноо)

• 2-р байр – Булган аймаг (51 оноо)

• 3-р байр – Хөвсгөл аймаг (56 оноо, бага онооны шүүлтээр)

Тэмцээний шилдгүүд удахгүй болох улсын хэмжээний иргэдийн спортын их наадамд оролцох батламжаа гардан авлаа.

Энэхүү спортын наадам нь иргэдийн эрүүл амьдралын хэв маягийг дэмжих, нийтийн биеийн тамирыг хөгжүүлэх, орон нутгийн хамтын оролцоог өргөжүүлэх чухал ач холбогдолтой юм.

Эх сурвалж: Булган аймгийн ЗДТГ