“Улаанбаатар марафон 2025” гүйлтийн тэмцээн рүү оролцогчдын бүртгэл үргэлжилж байгаа бөгөөд энэ жилийн марафонд оролцохоор нийт 6 мянга гаруй хүн бүртгүүлжээ. Хамгийн бага зай болох 1.5 км-ийн ангилалд гэр бүлээрээ болон тэргэнцэртэй, хараагүй иргэд гүйх боломжтой бөгөөд 954 хүн бүртгүүлээд байна.

Бусад зай тус бүрийн оролцогчдын тоо дараах байдалтай байна:

• 5 км – 2,451 хүн

• 10 км – 794 хүн

• Хагас марафон (21 км) – 700 хүн (насны ангиллаар: 18–34, 35–54, 55-аас дээш, хөгжлийн бэрхшээлтэй иргэд)

• Бүтэн марафон (42 км) – 135 хүн (18 наснаас дээш, хөгжлийн бэрхшээлтэй иргэд)

Харин тусгай олимпын төрөл буюу 500, 800 метрийн ангилалд оролцогчдоос бүртгэлийн хураамж авахгүй бөгөөд бусад ангилалд 5,000–90,000 төгрөгийн хооронд хураамж ногдуулж байна.

Марафонд оролцох хүсэлтэй иргэд https://ulaanbaatar.marathon.mn/ цахим хуудсаар болон “Hipay” аппликейшнээр бүртгүүлэх боломжтой бөгөөд бүртгүүлсэн оролцогчдын энгэрийн дугаарыг тавдугаар сарын 10–20-ны хооронд олгоно.

Энэхүү тэмцээн нь нийслэлийн иргэдийн биеийн тамираар хичээллэх, идэвхтэй амьдралыг дэмжих зорилготойгоор жил бүр зохион байгуулагддаг бөгөөд энэ жил өмнөх оныхоос илүү өргөн хүрээтэй, оролцогчдын төрлүүд илүү нарийн ангилалтайгаар явагдаж буй нь онцлог юм.

Эх сурвалж: “Улаанбаатар марафон” зохион байгуулах хороо