Ховд аймгийн Чандмань сумын түүхт 100 жилийн ойд зориулсан, Монгол Улсын начин Идэшийн Мөнхбаатарын нэрэмжит “Хан Жаргалант хайрханы хишиг” улс, аймаг, цэргийн цолтой 128 бөхийн барилдаан Ховд аймагт болж өндөрлөлөө.

Энэхүү барилдаанд:

• Ховд аймгийн Зэрэг сумын харьяат, "Аврагч" спорт хороо, "Ховд" дэвжээний бөх, улсын заан Баярхүүгийн Бат-Өлзий түрүүлж,

• Баянхонгор аймгийн Жинст сумын харьяат, "Алдар" спорт хороо, улсын начин Энхтүвшиний Батмагнай үзүүрлэлээ.

Дөрөвт шалгарсан бөхчүүд:

• Хэнтий аймгийн Өмнөдэлгэр сумын харьяат, улсын арслан Э.Оюунболд

• Архангай аймгийн Батцэнгэл сумын харьяат, улсын харцага Б.Зоригтбаатар

Наймд үлдсэн бөхчүүд:

• Улсын харцага Г.Бадрах

• Улсын начин Б.Чимэдвандан

• Улсын начин Б.Даваа-Очир

• Аймгийн хурц арслан Н.Амгаланбаатар

Тус барилдааны түрүү бөх суудлын автомашинаар шагнуулсан бол үзэгчдээс нэг сая төгрөгийн найман азтан, автомашины нэг азтан тодорлоо.

Эх сурвалж: Ховд аймгийн ЗДТГ, зохион байгуулагчдын мэдээлэл.