Монголын хоккейн шигшээ баг Мексик улсад энэ оны дөрөвдүгээр сарын 27-нд эхэлсэн “Division III” ангиллын дэлхийн аварга шалгаруулах тэмцээнд амжилттай оролцож, дөрөвдүгээр байр эзэллээ.
Хүрэл медалийн төлөөх тоглолтод манай баг Хонгконгийн шигшээ багт 7:3 харьцаагаар ялагдсан ч, нийт тоглолтын үр дүнд тамирчдын ур чадвар өндөр үнэлэгдэж, довтлогч ОУХМ Э.Энх-Амгалан, М.Чинзолбоо нар тэмцээний шилдэг тоглогчоор шалгарсан байна.
Хоккейн энэ удаагийн ДАШТ-д:
-
Монгол
-
БНАСАУ
-
Мексик
-
Хонгконг
-
Филиппин
-
Сингапур
гэсэн зургаан улсын шигшээ баг өрсөлдсөн бөгөөд Монголын багийг Гавьяат дасгалжуулагч А.Мэргэн, Гавьяат тамирчин Н.Мишигсүрэн, Г.Отгонбаяр нар удирджээ.
Монголын Үндэсний Олимпын хороо тус багийн оролцоог амжилттай болсныг тэмдэглэн мэдээлсэн бөгөөд энэхүү амжилт нь Монголын хоккейн спортыг олон улсад таниулах, түвшинг ахиулахад чухал алхам болж байна.
Эх сурвалж: Монголын Үндэсний Олимпын хороо
