Арабын Нэгдсэн Эмират улсын Аль-Айн хотноо энэ сарын 6-16-ны хооронд зохион байгуулагдах насанд хүрэгчдийн шатрын Ази тивийн аварга шалгаруулах тэмцээнд Монгол Улсаас нийт 17 тамирчин оролцохоор бэлтгэлээ базааж байна. Уг тэмцээнд нийт 34 орны 262 шилдэг шатарчин бүртгүүлсэн бөгөөд тэдгээрийн дунд дэлхийн цомын эрхийн төлөөх ширүүн өрсөлдөөн өрнөхөөр байна.

Монголын Үндэсний шигшээ багийг дасгалжуулагч С.Билгүүн, С.Ган-Од нар ахлан оролцож байгаа бөгөөд:

• Эмэгтэйчүүдийн ангилалд:

  • Их мастер Б.Мөнгөнтуул (гавьяат тамирчин)

  • Т.Мөнхзул

  • Ү.Үүрийнтуяа

  • ФИДЕ дэд мастер Б.Мөнгөнзул

• Эрэгтэйчүүдийн ангилалд:

  • Олон улсын мастер С.Ган-Эрдэнэ

  • Г.Амартүвшин

  • ФИДЕ мастер Н.Содбилэгт нар тус тус оролцоно.

Үүнээс гадна шигшээ багийн бус шатарчдаас:

• Эмэгтэй ангилалд:

  • Их мастер Д.Номин-Эрдэнэ

  • ФИДЕ мастер Э.Энхрий

  • ФИДЕ дэд мастер Э.Эмүжин

  • Б.Буянхишиг, Ч.Нандинжигүүр, Х.Баясгалан

  • Залуу шатарчид болох З.Нарансолонго, З.Наранзаяа

• Эрэгтэй ангилалд:

  • ФИДЕ мастер С.Чингүүн, Г.Мөнхбаяр нар оролцохоор болжээ.

Тус тэмцээнд Энэтхэг, БНХАУ, ОХУ зэрэг шатрын их гүрнүүдийн шилдэг шатарчид оролцож байгаа нь тэмцээний түвшинг илтгэж байна. Нийтдээ Их мастер 53, эмэгтэй их мастер 19, олон улсын зэрэгтэй 228 шатарчин бүртгүүлсэн нь урьд урьдынхаас илүү өрсөлдөөнтэй тэмцээн болохыг харуулж байна.

Монголын шатарчид өмнө нь тус тэмцээнээс хоёр хүрэл медаль хүртэж байсан. Тодруулбал, 2019 онд Т.Мөнхзул, 2023 онд Б.Мөнгөнтуул нар медалийн эзэн болж байв.

Эх сурвалж: Биеийн тамир, спортын улсын хороо