Монголын шатрын холбоо болон Азийн шатрын холбооны хамтран зохион байгуулж буй дэлхийн цомын эрх олгох Азийн 3.3 бүсийн аварга шалгаруулах тэмцээн манай улсад хоёр дахь удаагаа болж байна. Тус тэмцээнд Монгол, Филиппин, Сингапур, Хонконг, Вьетнам, Малайз, Индонезийн нийт долоон орны 110 шатарчин швейцар системээр есөн өрөг тоглон ур чадвараа сорьж байна.
Таван өргийн дараах байдлаар:
-
Нээлттэй ангилалд Сингапурын их мастер Тин Жингяао 4.5 оноогоор ганцаараа тэргүүлж байна.
-
Вьетнамын олон улсын мастер Дау Кун Дүи, Монголын олон улсын мастер Г.Амартүвшин, Индонезийн олон улсын мастер Наяка Будхидхарма, Вьетнамын их мастер Нгуен Дук Хоа, олон улсын мастер Ү.Агьбилэг нар 4.0 оноотой тэргүүлэгчийг нэхэж байна.
Эмэгтэйчүүдийн ангилалд:
-
ФИДЕ мастер Э.Энхрий таван өрөгт дараалан ялж, 5.0 оноотой итгэл төгс тэргүүлж байна.
-
Кандидат мастер Х.Баясгалан, Б.Мөнгөнзул нар тус бүр 4.5 оноотой удаалж байна.
-
Тэргүүлэгчдийн гуравдугаар эгнээнд Вьетнам, Филиппиний шатарчид орсон байна.
Тэмцээн өнөөдөр зургаадугаар өргийн тоглолтоор үргэлжлэх бөгөөд аваргууд ирэх сарын 2-нд тодрох юм.
Эх сурвалж: Монголын шатрын холбоо, Азийн шатрын холбоо
