Монгол Улсын Их Хурлаас нэр дэвшүүлэн ажилладаг Үндэсний олон нийтийн радио, телевизийн Үндэсний зөвлөлийн 3 гишүүний бүрэн эрхийн хугацаа дуусаж байгаатай холбогдуулан уг зөвлөлийн гишүүнд нэр дэвшүүлэх сонгон шалгаруулалт зарлаж байна. Энэхүү шалгаруулалтад эрх зүй, гадаад харилцаа, сэтгүүл зүй, эрүүл мэнд, боловсрол, биеийн тамир, спорт, байгаль орчин, хөдөлмөр, нийгмийн хамгааллын чиглэлээр үйл ажиллагаа явуулдаг төрийн бус байгууллагууд мэргэшсэн иргэнийг санал болгож оролцох эрхтэй.

Сонгон шалгаруулалтад тавигдах үндсэн шаардлага:

• Ял шийтгэлгүй Монгол Улсын иргэн байх;

• Төрийн болон улс төрийн албан тушаалтан, улс төрийн намын удирдлагад ажилладаггүй байх;

• Бусад радио, телевизэд ажилладаггүй, хөрөнгө оруулалт хийгээгүй байх;

• Олон нийтийн телевизийн хараат бус байдалд нөлөөлөх этгээд биш байх.

Бүрдүүлэх бичиг баримт:

1. Төрийн байгуулалтын байнгын хорооны 2022 оны 15 дугаар тогтоолын 2-р хавсралтын маягт;

2. Боловсрол, эрдмийн цол, мэргэшлийн гэрчилгээний баталгаажуулсан хуулбар;

3. Иргэний үнэмлэхний хуулбар;

4. ТББ-ын тодорхойлолт болон нэр дэвшүүлсэн тухай хурлын тэмдэглэл;

5. ТББ-ын улсын бүртгэлийн лавлагаа;

6. Ашиг сонирхлын урьдчилсан мэдүүлэг.

Материал хүлээн авах хугацаа:

• 2025 оны 4 дүгээр сарын 24-нөөс 5 дугаар сарын 8-ны 17:30 цаг хүртэл.

Хаяг:
14201 Улаанбаатар хот, Сүхбаатар дүүрэг, Жанжин Д.Сүхбаатарын талбай 1, Төрийн ордон, 401 тоот өрөө
Лавлах утас: 51-260280, 99116090

Эх сурвалж: Төрийн байгуулалтын байнгын хороо