Аргентины хөлбөмбөгийн домогт тоглогч, “Алтан бөмбөг”-ийн найман удаагийн эзэн Лионел Месси бүх цаг үеийн хамгийн өндөр орлоготой тамирчдын жагсаалтын тавдугаарт бичигдлээ гэж Sportico цахим хуудас мэдээлсэн талаар РИА Новости дамжууллаа. Түүний тамирчны замналдаа олсон нийт орлого 1.85 тэрбум ам.долларт хүрч, өмнөх жилд эзэлж байсан 6 дугаартай байрнаас нэг шатаар урагшилжээ.
Жагсаалтын нэгдүгээрт Үндэсний сагсан бөмбөгийн холбооны домогт тоглогч Майкл Жордан 4.15 тэрбум ам.долларын орлоготойгоор бичигдсэн хэвээр байгаа бол түүний араас Тайгер Вүүдс (гольф – 2.79 тэрбум ам.доллар), Криштиану Роналду (хөлбөмбөг – 2.23 тэрбум ам.доллар) нар удаалжээ.
Мөн Леброн Жеймс 1.88 тэрбум ам.долларын орлогоор 5 дугаар байраас дөрөвдүгээр байр руу дэвшсэн байна.
Топ 10-д багтсан бусад тамирчид:
-
Арнольд Палмер (гольф) – 1.82 тэрбум ам.доллар
-
Жек Никлаус (гольф) – 1.75 тэрбум ам.доллар
-
Дэвид Бекхэм (хөлбөмбөг) – 1.61 тэрбум ам.доллар
-
Рожер Федерер (теннис) – 1.59 тэрбум ам.доллар
-
Флойд Мейвезер (бокс) – 1.52 тэрбум ам.доллар
Энэхүү жагсаалтыг гаргахдаа тамирчдын замналын турш болон зодог тайлснаас хойших орлогыг 2024 он хүртэлх хугацаанд инфляцын түвшинтэй уялдуулан тооцсон байна.
Эх сурвалжууд: Sportico, РИА Новости
