“Биеийн тамир, спортын улсын үзлэг тооллого-2024”-ийн тайланг өнөөдөр Биеийн тамир, спортын улсын хорооны хурлын танхимд албан ёсоор танилцууллаа. Хоёр дахь удаагаа зохион байгуулсан тус тооллого нь салбарын бодлого, хөтөлбөр боловсруулах, ирээдүйн төлөвлөлт хийхэд суурь мэдээлэл болох чухал ач холбогдолтой үйл ажиллагаа болсон байна.

Үзлэг, тооллогыг гурван сарын хугацаанд зохион байгуулж, дараах үндсэн гурван ангиллаар бүртгэл хийжээ:

• Спорт заал

• Спортын гадаа талбай

• Спортын клуб

Тооцооны дүнгээр:

• 1541 спорт заал улсын хэмжээнд бүртгэгдсэн байна.

  • Үүнээс 699 нь Улаанбаатарт, 842 нь орон нутагт байршиж байна.

  • Нийт заалны 921-д засвар үйлчилгээ хийгдсэн, үлдсэн нь огт засвар хийгдээгүй байна.

  • 2017 оны тооллогоос хойш 556 заал нэмэгджээ.

• 7145 спортын холбоо, клуб сүүлийн нэг жилийн хугацаанд үйл ажиллагаа явуулсан байна.

  • 3272 нь нийслэлд,

  • 981 нь баруун бүсэд,

  • 1131 нь хангайн бүсэд,

  • 1213 нь төвийн бүсэд,

  • 548 нь зүүн бүсэд үйл ажиллагаа явуулсан байна.

Энэ удаагийн үзлэг тооллогоор спортын клубүүдийг анх удаа тусгайлан тоолсон бөгөөд 2024 оны байдлаар:

• Улсын хэмжээнд нийт 864 спортын клуб бүртгэгджээ.

  • Үүнээс 490 нь нийслэлд, 374 нь орон нутагт байна.

  • Сагсан бөмбөгийн клубууд хамгийн өндөр орлоготой нь хэмээн бүртгэгджээ.

Клубуудийг үйл ажиллагааны чиглэлээр нь ангилвал:

• 454 клуб нь идэвхтэй дасгал хөдөлгөөн, спортоор хичээллүүлдэг,

• 154 клуб нь сургалт, дасгалжуулалт явуулдаг,

• 256 клуб нь дээрх хоёр чиглэлээр зэрэг үйл ажиллагаа эрхэлдэг байна.

Энэхүү үзлэг тооллого нь биеийн тамир, спортын салбарт бодлогын шинжилгээ хийх, хөгжлийг нь уялдуулан төлөвлөх үндсэн суурь мэдээлэл болж байна.

Эх сурвалж: Биеийн тамир, спортын улсын хороо