Аваргуудын лигийн шөвгийн наймын эхний тоглолтууд үргэлжилж байна. Английн “Арсенал” баг Лондон хотод болсон тоглолтод Испанийн нэр хүндтэй “Реал Мадрид” багийг 3:0 харьцаатай бут ниргэж, үзэгчдээ баярлуулав.
Тоглолтын хоёрдугаар үед Деклан Райс торгуулийн цохилтоор хоёр гоол оруулж (58, 70 дахь минут), илүүрхсэн бол гурав дахь гоолыг Микель Мерино (75 дахь минут) хийжээ. Тоглолтын сүүлчийн нэмэлт цагт “Реал Мадрид”-ын хагас хамгаалагч Эдуардо Камавинга хоёр дахь шар хуудсаа авч, улаан хуудасны улмаас талбайг орхисон байна. Энэ нь тэдний хувьд тоглолтын эрч хүчийг алдуулах нэг шалтгаан боллоо.
“Арсенал”, “Реал Мадрид” багууд өмнө нь 2006 оны Аваргуудын лигийн 1/8 шигшээд таарч байсан бөгөөд энэ удаагийн тоглолт нь тэдний хоёр дахь нүүр тулах тохиол байв.
Шөвгийн наймын хүрээнд болсон өөр нэг тоглолтод Италийн “Интер” баг Германы “Бавария”-гийн талбайд зочлон 2:1-ээр хожсон нь сонирхол татав. Хоёр багийн хариу тоглолтууд энэ сарын 16-нд Мадрид, Милан хотноо болно.
Эх сурвалж: TASS.
