Олон улсын хөл бөмбөгийн холбоо /ФИФА/ 2025 онд АНУ-д зохион байгуулагдах анхны 32 багийн бүрэлдэхүүнтэй клубүүдийн ДАШТ-ий 1 тэрбум ам.долларын шагналын санг хэрхэн хуваарилах талаарх дэлгэрэнгүй мэдээллийг танилцуулжээ. Энэхүү тэмцээн 2025 оны зургаадугаар сарын 14-нөөс долоодугаар сарын 13-ны хооронд үргэлжлэх юм.
ФИФА-ийн тооцоогоор уг тэмцээн нийт 2 тэрбум ам.долларын орлого олох бөгөөд 1 тэрбумыг оролцогч клубүүдэд шагнал хэлбэрээр, 250 саяыг клубийн хөл бөмбөгийн дэлхийн эв нэгдлийн санд хандивлахаар төлөвлөж байна. ФИФА-гийн ерөнхийлөгч Жанни Инфантино “Клубүүдийн ДАШТ-ий хуваарилалтын загвар нь хөл бөмбөгийн клубийн түвшин дэх оргил тэмцээний шинэ жишиг болж байна. Түрүүлсэн баг 125 сая долларын шагнал хүртэнэ” хэмээн онцоллоо.
Шагналын сангийн бүтэц:
-
Нийт 525 сая ам.доллар бүх оролцогч багуудад ижил хуваарилалт хэлбэрээр олгогдоно.
-
Үлдсэн 475 сая ам.доллар багуудын амжилт, үзүүлэлтийг харгалзан шаталсан байдлаар хуваарилагдана.
-
Европын шилдэг багууд зөвхөн оролцсоны төлөө 38.19 сая ам.доллар хүртэх бол
-
Шинэ Зеландын “Окленд Сити” баг хамгийн бага буюу 3.58 сая ам.доллар авах ажээ.
Энэ нь хөл бөмбөгийн клубийн түвшний тэмцээн дундаа хамгийн том шагналын сантай тэмцээн болохыг ФИФА мэдэгдсэн байна.
Эх сурвалж: Xinhua.
