Насанд хүрэгчдийн Азийн аварга шалгаруулах чөлөөт болон сонгомол барилдааны тэмцээн өнөөдөр Иордан улсын Амман хотноо эхэлж байна. Эхний өдөр сонгомол барилдааны таван жингийн барилдаанууд зохион байгуулагдах бөгөөд Монгол Улсаас гурван тамирчин зодоглоно. Тодруулбал, 55 кг-д М.Сумъяабазар, 63 кг-д Н.Ганбаяр, 77 кг-д Н.Оргил нар дэвжээнд гарахаар болжээ.

Тэмцээний хуваарийн дагуу бүх жингийн барилдаанууд Улаанбаатарын цагаар 16:30 цагт эхэлнэ. Шөнө 02:00 цагаас финалын барилдаанууд, нээлтийн ёслол гуравдугаар сарын 25-ны 22:15 цагт товлогджээ. Тэмцээн зургаан өдөр үргэлжлэх бөгөөд дараах дарааллын дагуу явагдана:

• 3-р сарын 25: Сонгомол барилдааны 55, 63, 77, 87, 130 кг

• 3-р сарын 26: Сонгомол барилдааны 60, 67, 72, 82, 97 кг

• 3-р сарын 27: Эмэгтэйчүүдийн чөлөөт бөхийн 50, 55, 59, 68, 76 кг

• 3-р сарын 28: Эмэгтэйчүүдийн чөлөөт бөхийн 53, 57, 62, 65, 72 кг

• 3-р сарын 29: Эрэгтэйчүүдийн чөлөөт бөхийн 57, 65, 70, 79, 97 кг

• 3-р сарын 30: Эрэгтэйчүүдийн чөлөөт бөхийн 61, 74, 86, 92, 125 кг

Монголын бөхчүүд уламжлал ёсоор өндөр амжилт үзүүлэхийг спорт сонирхогчид найдан хүлээж байна. Барилдаан бүр Улаанбаатарын цагаар 16:30 цагт эхэлнэ.

Эх сурвалж: Монголын үндэсний олимпын хороо, AАШТ зохион байгуулах хороо.