Насанд хүрэгчдийн чөлөөт болон сонгомол барилдааны Азийн аварга шалгаруулах тэмцээн өнөөдөр Йорданы нийслэл Амман хотод эхэлж байна. Энэ удаагийн тэмцээнд тивийн 38 орны 370 гаруй тамирчин оролцохоор мэдүүлэг өгсөн бол манай улсаас нийт 23 бөх өрсөлдөхөөр зорьжээ.

Тэмцээн сонгомол бөхийн төрлөөр эхэлж байгаа бөгөөд Монгол Улсаас 55 кг-д М.Сумъяабазар, 63 кг-д Н.Ганбаяр, 77 кг-д Н.Оргил нар оролцож байгаа бөгөөд тэднийг дасгалжуулагч С.Мөнхсүх удирдаж байна. Харин чөлөөт бөхийн шигшээ багийн тамирчид өнөөдөр өглөө Йордан улс руу мордсон байна.

Манай эрэгтэй бөхчүүд дараах жинд барилдана:

• 57 кг: Б.Мөнх-Эрдэнэ

• 61 кг: Т.Түвшинтулга

• 65 кг: Ц.Цогбадрах

• 70 кг: Т.Тулга

• 74 кг: Б.Батбаяр

• 79 кг: О.Сүлдхүү

• 86 кг: Н.Батбилгүүн

• 92 кг: Б.Бат-Эрдэнэ

• 97 кг: Г.Ганхуяг

• 125 кг: М.Лхагвагэрэл

Эмэгтэй бөхчүүдийн хувьд:

• 50 кг: Б.Мөнхнар

• 53 кг: Ч.Отгонтуяа

• 55 кг: Б.Отгонтуяа

• 57 кг: Х.Болортуяа

• 59 кг: Т.Алтжин

• 62 кг: С.Цэрэнчимэд

• 65 кг: Т.Энхжин

• 68 кг: Э.Дэлгэрмаа

• 72 кг: З.Болортунгалаг

• 76 кг: Э.Даваанасан

Чөлөөт бөхийн энэ жилийн улсын аварга шалгаруулах тэмцээнд түрүүлсэн тамирчид тивийн дэвжээнд зодоглож байгаа бөгөөд энэхүү тивийн аваргын тэмцээн 1979 оноос эхтэй. Монголчууд анх 1989 онд Японы тэмцээнээс алтан медаль хүртэж байв. Тухайн үед Ч.Батбадрал, Х.Амараа, П.Сүхбат нар аваргалж, А.Баатархүү, Л.Энхбаяр, Ч.Бямбадорж нар мөнгө, хүрэл медаль хүртэж байлаа.

Манай чөлөөт бөхийн баг 1979 оноос хойш Азийн аваргад тогтмол оролцож ирсэн бөгөөд зөвхөн 1999 онд л медальгүй хоцорсон нь түүхэнд үлджээ.