Олон улсын олимпын хороо (ОУОХ)-ны Гүйцэтгэх зөвлөл боксын спортыг АНУ-ын Лос-Ан­желес хотод болох зуны олимпын тэмцээний хө­төл­бөрт оруулахыг зөвшөөрөв. 2022 онд батал­сан хөтөлбөрт боксыг багтаагаагүй юм.

Дээрх шийдвэрийг энэ долоо хоногт Грект болох ОУОХ-ны хуралдаанаар батлах ч тус хол­боо­ны ерөн­хийлөгч Томас Бах эцсийн шийд­вэр эерэг гарах нь тодорхой хэмээн мэдэгджээ. За­саг­лал, санхүү, шүүлт, ёс зүйн асуудлуудаас шалт­­гаалан Олон ул­сын боксын холбооны эр­хийг түдгэлзүүлэх шийд­вэрийг ОУОХ 2019 онд гар­гаж байв. Харин одоо олон улсын тэмцээний эрхийг “Дэлхийн бокс” байгууллагад шилжүүлээд буй юм.

Тус байгууллагыг 2023 оны дөрөвдүгээр сард байгуулж, одоогоор 84 гишүүнтэй болжээ. Өн­гөр­сөн сард ОУОХ тус байгууллагыг түр ху­гацаанд хүлээн зөвшөөрөх гол шаард­ла­гуудыг хангасан гэж үзжээ. “Дэлхийн бокс”-ын ерөн­хийлөгч Борис Ван дер Ворст “Бид Олимпын хартийн үнэт зүйлсийг чанд мөрдөж, найдвартай, хариуцлагатай түнш байх болно” хэ­мээн онцолжээ.

ОУОХ-ны зүгээс зөвхөн “Дэл­хийн боксын холбооны гишүүн орнуудын тамирчид 2028 оны олимпын эрхийн тэмцээнүүдэд орол­цох боломжтой гэж мэдэгдээд буй. Гэвч одоо­гоор тэмцээний товыг хараахан зарлаагүй байна.

unuudur.mn