Нийслэлийн Засаг даргын ивээл дор зохион байгуулагдах “Ирээдүйн мистер-2025” хотын аварга шалгаруулах тэмцээн гуравдугаар сарын 29-нд болно.
Нийтийн биеийн тамир, спортыг хөгжүүлэх, бодибилдингийн спортоор хичээллэх залуучуудыг дэмжих зорилгоор энэхүү тэмцээнийг 28 дахь удаагаа зохион байгуулж байна. Энэ жил давхардсан тоогоор 400 гаруй тамирчин 15 төрөлд, 30 ангиллаар өрсөлдөх аж.
Тэмцээний үеэр Монголын Үндэсний Допингийн Эсрэг Байгууллага (МҮДЭБ) допингийн сорьц шинжилгээ авах болсонтой холбоотойгоор Монголын бодибилдинг, фитнессийн холбоо, МҮДЭБ хамтран тамирчдад допингийн эсрэг сургалт зохион байгуулжээ.
2006 оноос эхлэн Нийслэлийн Засаг даргын нэрэмжит тэмцээн болгон зохион байгуулж ирсэн уг уралдаан энэ жил Хотын даргын ивээл дор болж буйгаараа онцлогтой байна.
